اشوااااااااااااااااااااااااك الحب

من طرف ميرا نور الثلاثاء يونيو 17, 2008 1:37 pm

بسم اله الرحمن الرحيم

ياطير ارحم حالة العود لا تطير

................. عقب المبيت تهوم تبغى ارتحالي

يا طير ذي حالة العود يا طير

................. لامن رحلت تضيق فيه الليالي

بالامس ضايق وجيت انت بعصير

.................. وسليت عود له سنين ما سالي

وهو جماد ولا يعرف التعابير

.................. شفه انحنى يبي ينكسر بانفعالي

هذاك عود وراجي الطير لا يطير

.................... وانا بعد ما ودي تروح يا غالي

يا الي ملكت القلب واعطيت تهجير

..................... للي لهم بالقلب حب ومنزالي

من بعد ماأنت حاذف الدلو بالبير

..................... شلت الدلو واصبح البير خالي

يوم الظما جيتن بكل التصاوير

......................... تبي الروا مني وانا لك زلالي

وانا انخدعت وجيت من دون تفكير

......................... واقول في نفسي زماني صفا لي

اوطا اشواك الحب في كل تقدير

........................ واقطع دروب الخوف سود لحالي

كله لعينا واحد قلت هو غير

........................... راح وتركني فوق ذيك التلالي

صبح وضحا والليل والظهر وعصير

............................ والمغرب اللي فيه نشوة خيالي

ما غير اهيجن يقطع الصوت ويغير

........................... اول نهاري لال واخره لالي

اطالع نجوم السما واسمع العير

............................. تحن ترجي حوير تو جالي

يومه سمع ما خيب الظن بالخير

...................... عود لها وحينه طرالي اللي طرالي

ماعاد ابين ضيقتي للمسايير

....................... اللي تجي وتقصر اطول احبالي

ولا عاد اهوجس وش ترى باكر يصير

............................ دام البراد يخون عز الظلالي

يامطوح صوتك للاصوات تفسير

......................... ما احد سمعلك كود ذيك الدلالي

انص الدلال وبهره خوش تبهير

....................... وانس الهوى واهل الهوى للزوالي

واقدع من التمره ودوك القوارير

........................ وامله قهر حزنك وشد الرحالي

واذا نويت تحير الدرب تحيير

......................... امش بزعل ليله جفاها الهلالي

واذا تعبت من السفر والمشاوير

........................... واعينك الاهات من دون والي

ازبن على الغربه بليا تشاوير

........................... وابدا حياتك ناسي اللي مضالي

يا عمـــري اللي راح كله معـــاسير

........................... من وين ما وجهت ما لي مجالي

يا حيلي اجبر كسرة الوقت تجبير

....................... لا تنكسر للوقت والوقت مالي

دامي انا ويا السحاب المزابير

........................... بيـاتـيكم الـماطر يعـز المـفالي

ودام الهوى يعشق ملاعبت النواوير

............................ لا بد ما ياتيك ريح الغوالي

جرح الزمن مهما كبر عندي صغير

........................... لا ما غدالي شي لو هو غدا لي

ويا شين خدك يا اليالي المعاسير

......................... لك قبلة سودا عساها الزوالي

ويازين ماطر هالغيوم المباكير

.......................... يا كنها دموع من الحزن ترثالي

وحظ القلم حظه بحظن المحابير

............................ ما كنه الا يقول كف العنا لي

ويا شين حظ العود حظه معيثير

............................ فوق الحزن والهم خابن الامالي

حيث حطبوه العود لاجاير ولا مجير

....................... قالوا يبس والوقت بالعود كد طالي

يبـون شبـة نـارهـم للخطـاطـير

.............................. ويبون في تالي الليل فنجالي

حطوه وسط النار وهو يرجي الطير

.............................. والطير عنده مبرقع ما يبالي

اصعب عذابي خونة ثم تبرير

........................ واصعب عذاب الشوق قطع الوصالي

ميرا نور flower