دموع فلسطينـ

بسمـ اللهـ الرحمنـ الرحيـمـ
الله اكبر يا مشاعر , يا جروح الاغتراب .... ويش ابي بك كان وقتك , هل يوم انتي سجينه
استثيري يامشاعر , وا كسري مليون باب .... دام باقي ذا المناظر ¸ في فلسطين الحزيـــنــه
وارسلي في كل ديره , الف مرسول و جواب .... وحمليها مع حمامه , للأسف كانت رهيــــنـه
في سجن شارون شافت , كل أصناف العذاب .... تلعنه حتى الحمايم , والجثث لو هي دفينــــــه
وارسليها يامشاعر , لكل عايش با غتراب .... عن شقا القدس الشريفه , وكل شخصن توصلينه
واسأليهم يامشاعر , وش جنا حامل كتاب .... طفل ماشي في طريقه , والعشر ما جت سنينه
وش جنا يومه ايواجه , با لبنا دق والحراب .... يحلم ابورده ولكن , جات بندق في جبـيـنــه
وش جنت امن ثكيله , بتسألك يوم الحساب .... وين غاب الحق عنكم , وليش ظلمي ماتدينه
وش جنا الدره محمد , يوم ابادوه الكلاب .... وين حزنه , وين دمه , ما تذكرتوا ونيـــنــه
وش جنت بنتن شريفه , لطخوها با لتراب .... يوم تصرخ للمشاعر , والنفوس المستكينه
استفيقوا يانياما , وامنعوا باقي العذاب .... يامسلمين الخنادق , لا تخلوها دفيـــــنــــه
ياعرب ياحيف والله , وين ذاك العز غاب .... كيف ترضون ابيهودي , يلمس انساكم بيدينه
كيف ترضون ابشرفكم , ينتهك وابلا حسـاب .... كل يوم وبه يهودي , يفعل افعالن مشيــنــه
من صلاح الدين صرخه , ماتحملها كتاب .... لو بغيتوا العز قوموا , للوطن حق ابحنيـــنــه
به حقوق انسان قالوا , بس في لهجة خطاب .... لكن اسرائيل تبقى , عندهم عليا رصيــــنـــه
للعرب قصف ومدافع , وغيرهم يكفي عتاب .... والجريح ايشوف موته , مالقى من هو يعينه
دام شارون ايتبختر , ويفخر ابقتل الشباب .... ويستهين ابكل مبدأ , والعروبه ماتهيــــنــــه
ودام في غزه ويافا , وفي جنين الدم ساب .... وهان دم البنت اّ يــه , والشهيد اقفت سنينه
وش بقى ما جا مهانه , وش بقى غير التراب .... مرحبا بالعز والله , لو غدت روحي دفينه
يا فلسطين ان بكيتي , والدموع ابلغ جواب .... والله ان الدمع غالي , طالبك لا ترخصينــه
اااه من ظيمك وحزني , واااه من زود العذاب .... كلما شفت المجازر , يافلسطين الحزينــــــه

الشاعر/ جميل ابن زريع

دمع فرح

يسلمو ع المرور