زمن عمري...........................

من طرف همسة الجمعة يوليو 11, 2008 3:15 pm

لو كنت ترجي الوصل ... ما غبت لك مده
.......... ولا عدت تسأل عن الاحوال ... واخباري
.
.
.
.
ما دمت في خير ... ما تجرحني الصده
.......... غالي وقدرك بقلبي ... نفس مقداري
.
.
.
.

لو مسك الشوق مست خاطرك ...شده
.......... وتحاتي اشلون ... ماجيتك على الطاري
.
.
.
.

اسراب روحي عليك اسنين ممتده
.......... تدري بحبي وعامل لي ... ولا داري
.
.
.
.
شاعر وصل لك بروحه ... والزمن ضده
.......... ما هزته ريح ... ضاري للوفا ... ضاري
.
.
.
.

رايق وغيري به الاعصاب منشده
.......... ما يدري انك زمن عمري ... ومشواري
.
.
.
.
شامتك من شامته ... والخد من خده
.......... والعين من غرقت في دمعها الجاري
.
.
.
.

من كان وده يفارقني ولا ... وده
.......... من باع " عشرة سنين " ومن هو الشاري
.
.
.

من حبك وباح لك ذاك المساء سده
.......... من كان طيات قلبه ... تحفظ اسراري
.
.
.
.

الحب من حطمه .... والشوق من هده
.......... اشغلت قلبي ... قبل تشغل لي افكاري
.
.
.

قلبي اخذته ... وانا ما اقول لك .... رده
.......... أبيك ترجع .... وتاخذ ....منك ....بثاري !